ගැබිණි කාලයේ වැඩ කිරීම
ගර්භනී බව නිසා සිරුරට කායික හා පරිවෘත්තීය ලෙස වැඩි කාර්යයක් සිුකිරිමට හේතුවේ. එම නිසා විවේකය අත්‍යාවශ්‍ය වන අතර එයින් සාමාන්‍ය එදිනෙදා වැඩකටයුතු නැවැත්විය යුතු බවක් අදහස් නොවේ.ශරීරය පීඩාවට පත්කරන අනවශ්‍ය කායික ව්‍යායාමවලින් වැළකී සිටිය යුතුය. ගෙ දොර එදිනෙදා කළ වැඩකටයුතු ගැබිණි කලද එසේම කළ හැකි නමුත් ගර්භ සංකූලතා ඇති වුවහොත් වැඩ කිරීම සීමා කිරිම සිදුකල කළ හැක.
ගැබිණි කත රැකියාවක් කරන්නේ නම් ඇය කරන කාර්යය අනුව එය
සිදු කල යුතුද නැද්ද තීරණය වේ. එක තැන සිට කරන රැකියාවක් ප්‍රසූතිය සිදු වන ආසන්න දින දක්වාම
සිදු කළ හැකි මුත් අධික කායික වෙහෙසකින් සිදු කරන කාර්යයන් සිමා කළ යුතුව පවතී.
එමෙන්ම අධික බර එසවීම ගැබිණි කාලයේ යෝග්‍ය නැත. පහසුවෙන් දෙඅතින් ඔසවා ගත හැකි යමක් හැරුණු විට වෙනත් බරක් ඔසවා ගැනීම සිදු නොකළ යුතුය.
බිම ඇති දෙයක් එසවීමේදී දෙකට නැමී එසවීම සිදු නොකළ යුතු අතර දෙපා දණහිසින් නවා පහත් වී සිරුරට කිට්ටුවෙන් ගෙන එසවිය යුතුය.එම නිසා කොන්දට බලපෑමක් සිදු නොවේ.
කුඩා දරුවන් සිටී නම් ඒ අය එසවීමේදීද නිවැරදි පිළිවෙත් අනුගමනය කළ යුතුවේ.දණ ගසා දරුවන්ගේ ඉදිරියෙන් හෝ පැත්තෙන් වාඩිගෙන දරුවා සුරතල් කළ යුතුවේ.
එමෙන්ම ගැබිණි මවක් ගමන් බිමන් යාමේදි සැලකිලිමත් විය යුතුවේ. විශේෂ අවස්ථාවක මිස දුර ගමන් යාමෙන් වැළකි සිටිය යුතු අතර එලෙස යන්නේ නම් සැතපුම් තිහකට වරක්වත් නවතා දෙපා දිග හැර ගැනීමත්, මුත්‍රාකිරිමටත් වගබලාගත යුතුය.
ඊට හේතුව පිරුණු මුත්‍රාශයක් තිබිය දි දරුවා කුස තුළ දැගලීමට පටන් ගත් විට එය අපහසුකාරී විය හැකි බැවිනි. ගැබිණි සමයේ මුල් කාලයේ වමනය, ඔක්කාරය ඇති නිසා දුර ගමන් යාමේදී එම තත්වයට වැඩිවිය හැකි අතර එවැනි ගමන් සීමා කර ගැනීම අත්‍යවශ්‍ය වේ.ගැබිණි කල හවසට ඇවිදීමෙන් සතුටක්, ප්‍රමෝදයක් ලැබේ නම් එය සිදු කිරිමේ වරදක් නැත. නමුත් අනවශ්‍ය ලෙස සිරුර වෙහෙසට පත්කිරීම නොකළ යුතුවේ.
No comments:
Post a Comment